Saturday, May 30, 2020

மோடியை விமர்சித்தால் நோபல் பரிசு நிச்சயம்! நிரூபிக்கும் போர்டு பவுண்டேஷன்

பரிசு பெறுவதற்காக ஏதாவது ஒன்றை சாதித்து இருக்க வேண்டும். குறிப்பாக உலகம் போற்றும் நோபல் பரிசு பெற வேண்டும் என்றால், இந்த உலகத்துக்கு அந்த விஞ்ஞானியால் ஏதாவது பெரிய பங்களிப்பு இருந்திருக்க வேண்டும். நம் நாட்டில் இருந்து நோபல் பரிசு பெற்ற தாகூர், சர் சி.வி.ராமன், உட்பட பலரும் இந்த சமூகத்துக்கு ஏதாவது ஒரு வகையில் பங்களிப்பு செய்துள்ளனர்.

 
Articles_1_1

இந்த வகையில், இந்திய வம்சாவளியைச் சேர்ந்த பேராசிரியர்கள் அமர்த்தியா சென் மற்றும் அபிஜித் பேனர்ஜி ஆகியோரும் பொருளாதாரத்துக்கான நோபல் பரிசு பெற்றுள்ளனர். இதில், 1998ம் ஆண்டு அமர்த்தியா சென்னும், இந்த ஆண்டுக்கு அபிஜித் பேனர்ஜியும் பெற்றுள்ளனர். இதில், அமர்த்தியா சென்னின் சிஷ்யப்பிள்ளை தான் அபிஜித்பேனர்ஜி.

 

அமர்த்திய சென்னின் மோசடி

அமர்த்தியா சென். இங்கிலாந்தில் இருக்கும்போது பொருளாதார ஆய்வுக்காக, அவருக்கு நோபல் பரிசு வழங்கப்பட்டது. இதன் பின்னர், மத்தியில் ஐக்கிய முற்போக்கு கூட்டணி ஆட்சிக்கு வந்த பின்னர், அவரை இந்தியாவுக்கு அழைத்து வந்து, நாளந்தா பல்கலைக்கழகத்தைத் தொடங்கினர். அதன் முதல் தலைவராக சுயாட்சி முறையில் பொறுப்பேற்ற அமர்த்தியாசென், பொறுப்பற்ற முறையில் செயல்பட்டு, பலநூறு கோடிகளை சுருட்டினார். 10 ஆண்டுகளுக்கும் அதிகமாக இவரது அட்டகாசம் தொடர்ந்தது.

2014ம் ஆண்டு மத்தியில் பாஜ ஆட்சிக்கு வந்த பின்னர், அமர்த்தியா சென்னின் நடவடிக்கைக்கு கடிவாளம் போட்டது. அவரது நிர்வாகத்தில் நடந்த முறைகேடுகள் ஆராயப்பட்டு, நிதிகள் கொடுப்பதை மத்திய அரசு நிறுத்தியது. சென், நாளந்தா பல்கலைக்கழகத்தில் இருந்து கழன்று கொண்டார். அன்று முதல் அவரது ஒரே கோஷம்… மோடி அரசு மோசம் என்பதுதான்.

Articles_1_2

இது அபிஜின் பேனர்ஜியின் வழி

ஏறக்குறைய இதே வழியில் இப்போது 2வது இன்னிங்சை தொடங்கியுள்ளார் அபிஜித் பேனர்ஜி. பொருளாதார பேராசிரியர்களுக்கு மகனாக பிறந்து, டில்லியில் படித்து அமெரிக்காவின் எம்ஐடியில் பணிபுரியும் அபிஜித் பேனர்ஜிக்கு, திடீரென இந்தியாவின் மீது அளவு கடந்த பாசம் பொத்துக் கொண்டுள்ளது. மோடி அரசு பதவிக்கு வந்ததில் இருந்தே, அவருக்கு சரியான எரிச்சல். அமெரிக்காவில் உட்கார்ந்து கொண்டே, 2016ம் ஆண்டு பண மதிப்பிழப்பு நடவடிக்கை கொண்டு வந்ததை கடுமையாக விமர்சித்தார்.

‘‘எந்த லாஜிக் அடிப்படையில் இப்படிப்பட்ட பண மதிப்பிழப்பு நடவடிக்கையை மோடி தலைமையிலான அரசு கொண்டு வந்தது? இதன் நோக்கம் என்ன என்பதே புரியவில்லை’’ என்று தன் விமர்சன விளையாட்டைத் தொடங்கினார். உடனே, இங்குள்ள காங்கிரஸ் உட்பட எதிர் கட்சியினர், ‘பாருங்கய்யா, அமெரிக்காவில் இருந்து கொண்டு, இந்தியாவில் அவருக்குள்ள அக்கறை. இந்த அக்கறை கூட பாஜ அரசுக்கு இல்லை பாருங்கய்யா’ என்று பிரச்சாரம் செய்யத் தொடங்கியது.

சொல்லி வைத்தார் போல், 2017ம் ஆண்டு ஜூலையில், ஜிஎஸ்டியை இந்தியா கொண்டு வந்தது. அப்போதும், தன் 2வது இன்னிங்ஸ் விமர்சன விளம்பரத்தை களப்படுத்தினார் இந்த அபிஜித்பேனர்ஜி. ‘ஜிஎஸ்டி எல்லாம் இந்தியாவுக்கு செட் ஆகாத ஒருவரிமுறை. எப்படி இதை கொண்டு வந்தார்கள்?’ என்று வியப்புத் தெரிவித்தார். இப்படி வியப்புத் தெரிவித்த அபிஜித் பேனர்ஜியால், இந்தியாவுக்கு என்ன பிரயோஜனம் என்று கேட்டவர்கள் யாரும் இல்லை.

 

அடிப்படை கணக்குத் தெரியாதா?

இந்தியாவில் பண மதிப்பிழப்பு நடவடிக்கை கொண்டு வருவதற்கு முன்னர், மொத்தமாக வருமான வரி செலுத்தியவர்கள் எண்ணிக்கை 3 கோடி மட்டுமே. ஆனால், இப்போது வருமான வரி கணக்குத் தாக்கல் செய்யும் நபர்களின் பட்டியல் 7 கோடியே எட்டியுள்ளது. நாட்டின் வரி வருமானத்தில் 11 முதல் 12 சதவீதத்துக்குள் இருந்த வருமானவரி, 18 சதவீதத்தை எட்டியுள்ளது.

அதேபோல், ஜிஎஸ்டிக்கு முன்னர் நாட்டில் வரி செலுத்திய வணிகர்களின் எண்ணிக்கை 65 லட்சத்துக்கு கீழ். மொத்த வரி வருமானமும் 50 ஆயிரம் கோடியை எட்டியது இல்லை. இப்போது ஒரு கோடியே 30 லட்சம் பேர் ஜிஎஸ்டிக்குள் உள்ளனர். இவர்களில் 90 லட்சம் பேர் ஜிஎஸ்டிஆர் 9 ஆண்டறிக்கை தாக்கல் செய்கின்றனர். அரசின் வரி வருமானம் அப்படியே இரட்டிப்பாகி, லட்சம் கோடியை எட்டியுள்ளது.

வருமான வரி சுமார் 30% செலுத்துவது கட்டாயமாகப்பட்ட, அமெரிக்காவில் பணி செய்து கொண்டிருக்கும் அபிஜித் பேனர்ஜிக்கு, வரியில்லாமல் ஒரு அரசாங்கம் எப்படி செயல்படும் என்பது தெரியாமல் இருக்காது. தெரிந்திருக்கும். ஆனால், விதண்டாவாதம்.

 

மோடி மீதான காட்டத்துக்கு என்ன காரணம்?

ரொம்ப கஷ்டப்பட வேண்டாம். ஒரே ஒரு காரணம். போர்டு பவுண்டேஷன். அமெரிக்காவின் மிகப் பிரபலமான போர்டு பவுண்டேஷன் நடத்தும் எம்ஐடி பல்கலையில் பேராசிரியர் பதவி. இந்தியாவின் கட்டமைப்பை நொறுக்க வேண்டும் என்பதற்காகவே, ரொம்பவே மெனக்கெடுகிறது இந்த போர்டு பவுண்டேஷன்.

இந்தியாவின் கட்டமைப்பை நொறுக்க வேண்டும் என்பதற்காகவே, ரொம்பவே மெனக்கெடுகிறது இந்த போர்டு பவுண்டேஷன்.

 

இதுபோர்டு பவுண்டேஷனின் அடுத்த இன்னிங்ஸ்

போர்டு பவுண்டேஷன் அமைப் பின் எம்ஐடியில் பேராசிரியர் வேலை ஒருபுறம் இருந்தாலும், அபிஜித் பேனர்ஜி, தன் 2வது மனைவி எஸ்தர் டப்ளோவுடன் இணைந்து, அரபு பணத்தில் ஒரு நூதனமான ஆராய்ச்சி நடத்திக் கொண்டிருக்கிறார். ‘‘அதாவது, அப்துல் லத்தீப் ஜமீல் பாவர்டி ஆக்ஷன் லேப்’’ என்று இந்த அமைப்புக்குப் பெயர். வறுமை ஒழிப்புக் குறித்து ஆராய்ச்சி செய்வதுதான், இந்த ஆய்வகத்தின் முழுநேர வேலை.

இந்த ஆராய்ச்சி மையத்தின் அறிவியல் ரீதியான இயக்குனர் இவர்தான். இந்தியாவில் இவர்களது இந்த ஆராய்ச்சி என்பது ஒரு போலி முகம் என்பதை உலகமே அறியும்.

இந்தியாவில் மத மாற்றத்தையும், பிரிவினை வாதத்தையும் தூண்டும் போர்டு பவுண்டேஷனின் செயல்களுக்கு, பிரதமர் மோடியின் நிர்வாகம் மிகுந்த இடைஞ்சல் செய்து கொண்டே இருக்கிறது. அதாவது, அந்த அமைப்பின் நிதி வரும் வழி 90 சதவீதம் தடைபட்டுவிட்டதால், இப்போது அபிஜித் பேனர்ஜியை வைத்து, எந்தளவுக்கு இந்தியாவையும், அதன் நிர்வாகத்தையும், பொருளாதாரத்தையும் பஞ்சர் செய்ய முடியுமோ, அந்தளவுக்கு டார்ச்சர் செய்ய முயல்கிறது.

CAMBRIDGE, MA - OCTOBER 14:  Esther Duflo and Abhijit Banerjee, who share a 2019 Nobel Prize in Economics with Michael Kremer, answer questions during a press conference at Massachusetts Institute of Technology on October 14, 2019 in Cambridge, Massachusetts.  (Photo by Scott Eisen/Getty Images)

காங்கிரஸின் பக்க வாத்தியம்...

போர்டு பவுண்டேஷன் கிறிஸ்தவ அமைப்பு என்பதால், இந்தியாவில் மீண்டும் சோனியா தலைமையிலான காங்கிரஸ் அரசைக் கொண்டு வர வேண்டும் என்று ரொம்பவும் மெனக்கெட்டது. இதற்காக, தன் பல்கலைக் கழகத்தில் பணிபுரியும் அபிஜித் பேனர்ஜி மூலம், விவசாயிகளுக்கு ஆண்டுக்கு 72 ஆயிரம் ரூபாய் வழங்கும் திட்டத்தை உருவாக்கி, அவற்றை அமல்படுத்தவும் முடியும் என்று போலியாக பரிந்துரை மற்றும் பிரச்சாரம் செய்தது.

 

அந்தர் பல்டியடித்த அபிஜித்பேனர்ஜி

தேர்தலில் தோல்வியடைந்ததும், மீண்டும் பொருளாதார வளர்ச்சி மந்தம் என்ற தனது பல்லவியை ஓங்கியே பாடத் தொடங்கினார் அபிஜித் பேனர்ஜி. தனக்காகவும், தன் மதம் பரப்பும் கொள்கைக்காகவும் கடுமையாக உழைக்கும் அபிஜித் பேனர்ஜிக்கு, நோபல் பரிசு வழங்கி சிறப்பிக்க நினைத்த போர்டு பவுண்டேஷன் இதற்கென வழிகளையும் உருவாக் கியது.

லாஜிக்படி பார்த்தால், அமர்த் தியா சென் கிறிஸ்தவரை மணம் செய்து கொண்ட பின்னரே, நோபல் குறித்து பேசப்பட்டது. இந்த வகையில், தன் பெங்காலி முதல் மனைவியை விவாகரத்து செய்துவிட்டு, தன்னிடம் மாணவியாக வந்த வெள்ளைக்கார கிறிஸ்வ பெண்ணை 2வது முறையாக திருமணம் செய்து கொண்டார். போர்டு பவுண்டேஷன் கொள்கைப்படி, அபிஜித் பேனர்ஜி, பெயரளவில் இந்துவாக இருந்தாலும், கொள்கை அடிப்படையில் கிறிஸ்தவராகிவிட்டதால், அவருக்கான நோபல் பரிசுக்கு வழி செய்துவிட்டது.

இப்போதெல்லாம், நோபல் பரிசுக்கு ரொம்பவும் மெனக்கெட வேண்டாம். போர்டுபவுண்டேஷன் ஆதரவு இருந்தால் போதும். எல்லா விருதுகளும் தானாகவே வந்துவிடும். விருதுபெறும் நபரால், தாய் நாட்டுக்கு என்ன லாபம் என்றெல்லாம் பார்க்கக் கூடாது.